სერიალებში გადაბარგებული ჰოლივუდის ვარსკვლავების სია ნელ-ნელა უფრო და უფრო მრავალფეროვანი ხდება. ცოტა ხნის წინ მათ რიცხვს ორი ოსკარის მფლობელი მსახიობი, მაიკლ დუგლასიც შეუერთდა.

The Kominsky Method ასე ერქმევა ახალ კომედიას, სადაც დუგლასს პარტნიორობას ალან არკინი გაუწევს.

სერიალის სიუჟტი ჰოლივუდის ვარსკვლავის სენდი კამინკის შესახებ მოგვითხრობს, რომელიც საკუთარ აგენტთან ერთად სხვადასხვა სახალისო სიტუაციებში ეხვევა.

ჯერ-ჯერობით შოუს მხოლოდ ერთი სეზონია დამტკიცებული, რომელშიც ათი სერია იქნება.

სერიალის სცენარს ჩაკ ლორი დაწერს.

"დავწერე სცენარი და გავგზავნე ის ნეტფლიქსში, მათგან კი დადებითი პასუხი მივიღე. ძალიან მიხარია, რომ იმ ხალხთან მომიწევს მუშაობა, რომლებსაც 45-50 წელია ვაღმერთებ. არ მეგონა თუ ისინი ჩემს შეთავაზებას დათანხმდებოდნენ. დუგლასი ფილმში სენდი კამინსკის როლს ითამაშებს, რომელიც ერთ დროს ჰოლივუდის კაშკაშა ვარსკვლავად ითვლებოდა, მაგრამ ეს ძალიან, ძალიან დიდი ხნის წინ იყო. ახლა ის სტუდენტებს ასწავლის სამსახიობო ხელოვნებას.", ამბობს ლორი.

ჯერ-ჯერობით უცნობია როდის დაიწყება სერიალის გადაღებები და როდის შედგება მისი პრემიერა ნეტფლიქსზე.