ინდოეთის პოლიციამ ოთხი ადამიანი სამეფო კარის თამაშების იმ სერიის გავრცელებისთვის დააკავა, რომელიც ეთერში ჯერ არ იყო გასულა.

თუმცა HBO-ს სხვა მასალების მითვისებაში მათთვის ბრალი ჯერჯერობით არ წაუყენებიათ.

დაკავებულთაგან სამი Prime Focus-ის თანამშრომლები არიან, სწორედ ამ კომპანიის წყალობით იდება შოუს ახალი ეპიზოდები ერთ-ერთ საიტზე.

სწორედ ამ სერიალის გამო გახდა HBO ჰაკერების მუდმივი სამიზნე. მაგალითად, გასულ კვირას მათ HBO-ს ბაზიდან შოუს რამდენიმე სერია და სცენარები მოიპარეს, ჰაკერები ამბობდნენ, რომ 1,5 ტერაბაიტი ინფორმაცია ჰქონდათ, მათ შორის როგორც იურიდიულ ინფორმაცია, ასევე თანამშრომლობის ხელშეკრულებები და სხვადასხვა სერიალში დაკავებული მსახიობების საკონტაქტო ინფორმაცია.

აღსანიშნავია, რომ სერიალი ინდოეთში ყველაზე პოპულარული შოუა, ამავდროულად, ტელევიზიის ისტორიაში GOT-ის სერიებს ყველაზე ხშირად იპარავენ პირატულად.