გიორგი კვერენჩხილაძე და თეიმურაზ ტუღუში — საკონსტიტუციო სასამართლოს მოსამართლეები, რომლებმაც კოლეგიისგან განსხვავებული მოსაზრება დააფიქსირეს, ისინი მიიჩნევდნენ, რომ რუსული კანონის ამოქმედება უნდა შეჩერებულიყო. მათ პოზიციებს საკონსტიტუციო სასამართლო წერილობით გაავრცელებს.

საწინააღმდეგო გადაწყვეტილება კი კოლეგიის დანარჩენმა წევრებმა — მერაბ ტურავამ, ევა გოცირიძემ, გიორგი თევდორაშვილმა, ხვიჩა კიკილაშვილმა, მანანა კობახიძემ და ვასილ როინიშვილმა მიიღეს.

საკონსტიტუციოს თანახმად, საქმეზე დაიწყება არსებითი განხილვა, განხილვამდე კი არ დაკმაყოფილდება მოსარჩელეების შუამდგომლობა საბოლოო გადაწყვეტილების მიღებამდე სადავო ნორმების მოქმედების შეჩერების შესახებ.

კანონის წინააღმდეგ საკონსტიტუციოში 4 სარჩელია შესული - პრეზიდენტის, არასამთავრობო და მედიაორგანიზაციებისა და ოპოზიციის. საკონსტიტუციო სასამართლოში გამჭვირვალობის შესახებ კანონზე შესული 4 - პრეზიდენტის, არასამთავრობო და მედიაორგანიზაციებისა და ოპოზიციის სარჩელები ერთ წარმოებად გაერთიანდა და 29 აგვისტოს განხილვა დაიწყო. 3-დღიანი განხილვის შემდეგ პლენუმი სათათბიროდ გავიდა. მოსარჩელეები ითხოვდნენ კანონის მოქმედების შეჩერებას მანამ, სანამ საკონსტიტუციო სასამართლო საბოლოო გადაწყვეტილებას არ გამოიტანდა.

ასევე იხილეთ: საკონსტიტუციომ რუსული კანონის მოქმედება არ შეაჩერა — იურისტების განმარტებები