The Times of Israel-მა ისრაელის არმიაზე დაყრდნობით გაავრცელა ცნობა, რომ ლიბანის დედაქალაქზე საავიაციო თავდასხმის დროს მოკლეს ჰეზბოლას ერთ-ერთი მეთაური, ჰასან ჰუსეინი.

ისრაელის არმიის გავრცელებული ინფორმაციით, ჰასან ჰუსეინი პასუხისმგებელი იყო იარაღის ტრანსპორტირებაზე.

ცნობაში ვკითხულობთ, რომ ის ასევე "პასუხისმგებელი იყო ბიუჯეტის შედგენასა და ჰეზბოლას ყველაზე მნიშვნელოვანი პროექტების, მათ შორის ლიბანიდან და სირიიდან ტერორისტული თავდასხმების კოორდინაციის მატერიალურ-ტექნიკურ უზრუნველყოფაზე".