ჯასტინ ბიბერი ცოტა ხნის წინ მამა გახდა და მუსიკალურ კარიერაში პაუზა აიღო, მაგრამ მისი სიმღერების პოპულარობა მაინც იზრდება. კერძოდ, მხოლოდ გასულ კვირაში Lonely-ს 1500 ეგზემპლარი გაიყიდა. ერთი შეხედვით ეს დიდი რიცხვი არაა და ბილბორდებზე მოსახვედრად სიმღერას ბევრი აკლია, მაგრამ აღსანიშნავია, რომ ციფრულ გაყიდვებში სიმღერამ საკუთარ თავს უკვე აჯობა. როცა Lonely პირველად გამოვიდა, კვირაში საშუალოდ 100 ეგზემპლარი იყიდებოდა. ფაქტობრივად, სიმღერის გაყიდვა 1400 პროცენტით გაიზარდა, რაც ნამდვილად წარმატებაა.

სიმღერაში ბიბერის მარტოობაა აღწერილი და ის ფასი, რომელიც მან ბავშვობაში პოპულარობისთვის გადაიხადა. ჯასტინის გულშემატკივრებმა ერთხმად გადაწყვიტეს, რომ ტექსტში ბიბერი დიდისთან ურთიერთობაზე საუბრობს და სიმღერას ახალი მნიშვნელობა მიანიჭეს. მათი აზრით სიმღერაში მომღერალი ქვეცნობიერად მსმენელს დახმარებას სთხოვს.

დიდის ამჟამად ბრალი აქვს წარდგენილი რეკეტსა და სექსუალურ ტრეფიკინგში. ჯასტინს ამ თემაზე კომენტარი არ გაუკეთებია და ყველაფერი მასზე და შონ ქომბსზე, ჯერ მხოლოდ ჭორებია, მაგრამ გულშემატკივრებს მტკიცედ სჯერათ, რომ Lonely-ს ტექსტი სწორედ ამ ამბებითაა შთაგონებული.

ფოტო: tmz

სიმღერა 2020 წლის ოქტომბერში გამოვიდა და მე-12-ე ადგილი დაიკავა Hot 100-ში. სინგლმა ბიბერს გრემის ნომინაციაც მოუტანა და ვინ იცის, იქნებ ამ სიმღერისთვის ჯერ კიდევ ყველაფერი წინა აქვს.