ბრიჯიტ ჯონსის ფანები უკვე დიდი ხანია, ბრიტანელი ქალის სასაცილო, გულის ამაჩუყებელ და თან ცოტათი უხერხული ცხოვრების ისტორიას თვალს ადევნებენ.

თუმცა, ჰიუ გრანტმა, რომელიც ფილმებში სიმპათიური და ქარიზმატული ანტაგონისტის, დენიელ კლივერის როლს ასრულებს, მაყურებელი გააფრთხილა, რომ ბრიჯიტ ჯონსის დღიურის ახალ ნაწილს სრულიად განსხვავებული ტონი ექნება.

გაფრთხილება: ფილმის მეოთხე ნაწილზე სპოილერების ასარიდებლად კითხვა აქ შეწყვიტეთ.

ფოტო: Universal Pictures

BBC-სთან ინტერვიუში გრანტმა განაცხადა, რომ "ფილმი წარმოუდგენლად სასაცილო და ამავდროულად ძალიან, ძალიან სევდიანი იქნება." მისი პერსონაჟი ფილმის ბოლო ნაწილში გარდაიცვალა, რაზეც გრანტმა თქვა, რომ "ცალსახად, მისი როლი აღარ არსებობდა, მაგრამ ახალ ნაწილში სცენარისტებს მისი ჩართვა მაინც უნდოდათ."

ფილმი ელენ ფილდინგის ამავე სახელწოდების წიგნების სერიაზეა დაფუძნებული. სერიის მეოთხე ნაწილში 50-იანებში მყოფ ბრიჯიტ ჯონსს ვადევნებთ თვალს, რომელიც უკვე ორი შვილის დაქვრივებული დედაა — მისი ჯენტლმენი ქმარი, მარკ დარსი წიგნის სცენარის მიხედვით გარდაიცვალა. ჯერჯერობით ცნობილი არაა, ფილმის სიუჟეტში ზუსტად იქნება თუ არა გამეორბეული წიგნში ასახული მოვლენები, თუმცა ვიცით, რომ ბრიჯის როლში კვლავ ოსკაროსან რენე ზელვეგერს ვიხილავთ.