ფლორიდის დასავლეთში საგანგებო მდგომარეობა გამოცხადდა, რადგან ქარიშხალი ჰელენის მიერ განადგურებულ სანაპიროს ახალი ქრიშხალი, მილტონი, უახლოვდება.

აშშ-ის ქარიშხლების ეროვნული ცენტრი ადასტურებს, რომ ამ მომენტისათვის მექსიკის სანაპიროებზე მყოფი მილტონი კვირას პირველი კატეგორიის ქარიშხლად გადაიქცა და, შესაძლოა, ფლორიდის ყურემდე მიღწევისას სიცოცხლისათვის საშიში იყოს.

სიტუაცია საგანგაშოა იმის გათვალისწინებით, რომ 10 დღის წინ შტატს 2005 წელს ქარიშხალი კატრინას შემდეგ უდიდესმა შტორმმა, ჰელენმა გადაუარა და, სულ მცრე, 225 ადამიანის დაღუპვა გამოიწვია. ასობით ადამიანი ჯერ კიდევ დაკარგულად ითვლება.

6 ოქტომბრის მონაცემებით, ქარის სიჩქარე ქარიხშლის არეალში 130 კმ/სთ-ს აღწევს.

ქარიშხლის ცენტრის ცნობით, სტიქია ფლორიდის სანაპიროებამდე მიმდინარე კვირის შუაში მიაღწევს.