სამგზის ოსკარის მფლობელი, მსახიობი დენიელ დეი-ლუისი კინოინდუსტრიას 7-წლიანი შესვენების შემდეგ კვლავ, მისი შვილის სარეჟისორო დებიუტში მონაწილეობისთვის უბრუნდება.

67 წლის ბრიტანელი მსახიობი დიდ ეკრანზე ბოლოს თომას ანდერსონის 2017 წელს გამოსულ ფილმ უხილავ ძაფში გამოჩნდა.

აშშ-ს დამოუკიდებელი პროდიუსერული კომპანია Focus Features-ის ინფორმაციით, მსახიობის შვილის, რონან დეი-ლუისის სადებიუტო ფილმის სახელწოდება ანემონა იქნება.

ფილმში მონაწილეობას მიიღებენ ჰოლივუდის სხვა ვარსკვლავებიც, მათ შორის, შონ ბინი, სამანტა მორტონი, სამუელ ბოტომლი და საფია ოკლი-გრინი. გადაღებები უკვე დაიწყო და ამჟამად დასავლეთ ინგლისში, მანჩესტერში მიმდინარეობს.