ანტიკორუფციული ბიურო TI-ს გაცხადებული საარჩევნო მიზნის მქონე ორგანიზაციის სტატუსს მოუხსნის. ამის შესახებ ბიუროს ხელმძღვანელმა, რაჟდენ კუპრაშვილმა ბრიფინგზე განაცხადა.

გადაწყვეტილებას წინ ირაკლი კობახიძის გუშინდელი განცხადება უძღოდა. კობახიძის აზრით, ანტიკორუფციულ ბიუროს უნდა შეეცვალა გადაწყვეტილება და საერთაშორისო გამჭვირვალობა – საქართველოსა და სხვა ორგანიზაციებს, განცხადებული საარჩევნო მიზნის მქონე ორგანიზაციის სტატუსი აღარ უნდა ჰქონოდათ.

2024 წლის 24 სექტემბერს რაჟდენ კუპრაშვილმა განაცხადა, რომ საერთაშორისო გამჭვირვალობა – საქართველო, მისი დირექტორი ეკა გიგაური, ასევე ორგანიზაცია აირჩიე ევროპა, მისი დირექტორი ხათუნა ლაგაზიძე და თანადამფუძნებლები ცნობილ იქნენ გაცხადებული საარჩევნო მიზნის მქონე სუბიექტებად, რაც მათ სადამკვირვებლო ფუნქციას უზღუდავდა.