1-ელი ოქტომბრის დილას რუსეთმა ხერსონის ბაზარზე საარტილერიო იერიში მიიტანა — დაბომბვის შედეგად დაიღუპა 6 და დაშავდა 4 ადამიანი.

"ოკუპანტებმა ხერსონის ცენტრში მდებარე ბაზარზე იერიში მიიტანეს. დარტყმის ქვეშ მოექცა სავაჭრო დახლები, სადაც დილით ხერსონელები ვაჭრობდნენ". — წერს ხერსონის სამხედრო ადმინისტრაციის უფროსი ალექსანდრ პროდუკინი.

რუსეთის იერიში დაადასტურა პროკურატურამაც. უწყების თქმით, ბაზრის გარდა დაიბომბა ახლომდებარე ტერიტორიებიც.

დაშავებულები საავადმყოფოში გადაიყვანეს, მათ შესაბამის სამედიცინო დახმარებას უწევენ. ერთის მდგომარეობა მძიმეა.

რუსეთი უკრაინას არტილერიითა და ავიაციით თითქმის ყოველდღე ბომბავს.