TI: ჩვენი სახელით არჩევნებს ვერ დავაკვირდებით, ვაგრძელებთ ინდივიდუალურ ბრძოლას ხმების დაცვისთვის
"ჩვენი სახელით არჩევნებს ვერ დავაკვირდებით, ვაგრძელებთ ინდივიდუალურ ბრძოლას ხმების დაცვისთვის", — ამის შესახებ საერთაშორისო გამჭვირვალობა-საქართველოს განცხადებაში ვკითხულობთ.
ცნობისათვის, ანტიკორუფციული ბიუროს გადაწყვეტილებით, საერთაშორისო გამჭვირვალობა — საქართველო "გაცხადებული საარჩევნო მიზნის მქონე სუბიექტია" და მასზე "მოქალაქეთა პოლიტიკური გაერთიანებების შესახებ" კანონი უნდა გავრცელდეს.
TI-მ ანტიკორუფციული ბიუროს გადაწყვეტილება სასამართლოში გაასაჩივრა, თუმცა, როგორც წერილიდან ირკვევა, თბილისის საქალაქო სასამართლომ არ შეაჩერა ანტიკორუფციული ბიუროს ხელმძღვანელის, რაჟდენ კუპრაშვილის გადაწყვეტილება, რომლის მიხედვითაც სადამკვირვებლო ორგანიზაცია, საერთაშორისო გამჭვირვალობა-საქართველო და მისი აღმასრულებელი დირექტორი, ეკა გიგაური განცხადებული საარჩევნო მიზნების მქონე სუბიექტები არიან.
"თბილისის საქალაქო სასამართლომ არ შეაჩერა ანტიკორუფციული ბიუროს ხელმძღვანელის, რაჟდენ კუპრაშვილის გადაწყვეტილება, რომლითაც ჩვენი სადამკვირვებლო ორგანიზაცია, საერთაშორისო გამჭვირვალობა-საქართველო და პერსონალურად აღმასრულებელი დირექტორი, ეკა გიგაური განცხადებული საარჩევნო მიზნების მქონე სუბიექტებად სრულიად უსაფუძვლოდ ცნო.
გადაწყვეტილების შეჩერებაზე ჩვენი შუამდგომლობის დაუკმაყოფილებლობის ფონზე, სასამართლო აგრძელებს საქმის წარმოებას ანტიკორუფციული ბიუროს გადაწყვეტილების ბათილად ცნობის თაობაზე.
თუმცა, ამ გადაწყვეტილების შეჩერებაზე უარი ფაქტობრივად ნიშნავს იმას, რომ ჩვენი ორგანიზაცია პოლიტიკურ პარტიასთან, ხოლო აღმასრულებელი დირექტორი პარტიის საარჩევნო სუბიექტთან გათანაბრებულ პირად არის ამ დრომდე მიჩნეული, მაშინ როდესაც საერთაშორისო გამჭვირვალობა-საქართველო და მისი აღმასრულებელი დირექტორი არჩევნებში არ მონაწილეობს და კენჭს არ იყრის. ამ აბსურდული გადაწყვეტილების გამო, ჩვენზე ვრცელდება პოლიტიკური პარტიებისთვის დადგენილი რეგულაციები, რაც ასევე გვავალდებულებს სპეციალური საარჩევნო ფონდის შექმნას, გვეკრძალება ნებისმიერი დასავლური დაფინანსების მიღება და ხარჯვა, ასევე გვეკისრება პოლიტიკური პარტიებისთვის სავალდებულო ფინანსური ანგარიშების წარდგენა.
საერთაშორისო გამჭვირვალობა-საქართველო არ აღიარებს აბსოლუტურად უკანონოდ მინიჭებულ აღნიშნულ სტატუსს. ხაზგასმით ვაცხადებთ, რომ არც ორგანიზაცია და არც ჩვენი აღმასრულებელი დირექტორი არჩევნებში არ იყრის კენჭს. ასევე არც ერთი პოლიტიკური პარტიის სიაში ჩვენი არცერთი წარმომადგენელი არ ფიგურირებს. ამდენად, არ ვაპირებთ ქართული ოცნების ანტიკორუფციული ბიუროს მოთხოვნების შესრულებას.
ცალსახად ვაცხადებთ, რომ ჩვენს წინააღმდეგ ხელისუფლების მიერ მიღებული ეს გადაწყვეტილება ჩვენს მიერ დაანონსებული კოალიციური დაკვირვებისა და სადამკვირვებლო მისიის "ჩემი ხმა" წინააღმდეგ გადადგმული ნაბიჯია.
შექმნილი ვითარებიდან გამომდინარე, მიუხედავად იმისა, რომ ფორმალურად სადამკვირვებლო ორგანიზაციის სტატუსი არ გაგვიუქმეს, მოკლებული ვართ შესაძლებლობას უშუალოდ საერთაშორისო გამჭვირვალობა-საქართველოს სახელით 26 ოქტომბრის საპარლამენტო არჩევნებს დავაკვირდეთ. ორგანიზაციის არსებობის 24 წლის განმავლობაში ეს არის პირველი შემთხვევა, როდესაც საარჩევნო უბნებზე ჩვენი სახელის ქვეშ დარეგისტრირებული არც ერთი დამკვირვებელი არ გვეყოლება.
მიუხედავად ამისა, საერთაშორისო გამჭვირვალობა-საქართველოს თითოეული თანამშრომელი გამოვიყენებთ ჩვენს გამოცდილებას, ცოდნას და ინტელექტუალურ რესურსს, რათა სადამკვირვებლო მისიას "ჩემი ხმა" და ჩვენს პარტნიორ ორგანიზაციებს დავეხმაროთ არჩევნების მაღალკვალიფიციურ დაკვირვებაში. ჩვენ ეს ბარიერები არ გაგვაჩერებს.
ჩვენ ვაგრძელებთ ბრძოლას ჩვენი სამშობლოს ევროპული მომავლისათვის! ჩვენ დავიცავთ ყველას ხმას!" — ნათქვამია გავრცელებულ განცხადებაში.
-
-
-
გადახედვაბერლინში სალომე ზურაბიშვილისა და ფრანკ-ვალტერ შტაინმაიერის შეხვედრა მიმდინარეობს ბერლინში სალომე ზურაბიშვილისა და ფრანკ-ვალტერ შტაინმაიერის შეხვედრა მიმდინარეობს
-
გადახედვაისრაელი ბეირუთის ცენტრალურ უბნებს ბომბავს — არის მსხვერპლი ისრაელი ბეირუთის ცენტრალურ უბნებს ბომბავს — არის მსხვერპლი
-
გადახედვაბლოგერი უჩა აბაშიძე ამ დრომდე დუმილის უფლებით სარგებლობს ბლოგერი უჩა აბაშიძე ამ დრომდე დუმილის უფლებით სარგებლობს
-
გადახედვასაქართველოს ტერიტორიული მთლიანობის საკითხზე გახარია ივანიშვილს 3 კითხვაზე სთხოვს პასუხს — დეტალები საქართველოს ტერიტორიული მთლიანობის საკითხზე გახარია ივანიშვილს 3 კითხვაზე სთხოვს პასუხს — დეტალები
-
-
გადახედვასალომე ზურაბიშვილმა უცხოეთში მხოლოდ 60 საარჩევნო უბნის გახსნის ფაქტი გააკრიტიკა სალომე ზურაბიშვილმა უცხოეთში მხოლოდ 60 საარჩევნო უბნის გახსნის ფაქტი გააკრიტიკა
-
-
-
გადახედვა28 Days Later-ს Iphone 15-ით გადაიღებენ 28 Days Later-ს Iphone 15-ით გადაიღებენ
-
გადახედვაროდის დაიწყო ძუძუმწოვრების ევოლუცია როდის დაიწყო ძუძუმწოვრების ევოლუცია
-
გადახედვაNASA-ს მარსმავალის ბორბლები დაზიანებულია — ახალი ფოტოები წითელი პლანეტიდან NASA-ს მარსმავალის ბორბლები დაზიანებულია — ახალი ფოტოები წითელი პლანეტიდან
-
-
გადახედვაროგორ ივსება მმართველი პარტიის ყულაბა 2024 წლის არჩევნებისთვის? როგორ ივსება მმართველი პარტიის ყულაბა 2024 წლის არჩევნებისთვის?
-
გადახედვაილიას სახელმწიფო უნივერსიტეტმა არჩილ ბადრიაშვილის სახელობის სტიპენდია დააფუძნა ილიას სახელმწიფო უნივერსიტეტმა არჩილ ბადრიაშვილის სახელობის სტიპენდია დააფუძნა
-
-
გადახედვაTI: ჩვენი სახელით არჩევნებს ვერ დავაკვირდებით, ვაგრძელებთ ინდივიდუალურ ბრძოლას ხმების დაცვისთვის TI: ჩვენი სახელით არჩევნებს ვერ დავაკვირდებით, ვაგრძელებთ ინდივიდუალურ ბრძოლას ხმების დაცვისთვის
-
გადახედვაპრეზიდენტის თქმით, ამომრჩეველთა სიაში მისი შვილი და ძმისშვილები არ არიან პრეზიდენტის თქმით, ამომრჩეველთა სიაში მისი შვილი და ძმისშვილები არ არიან
-
გადახედვაქარიშხალ "ჰელენს" შტატებში ათობით ადამიანი ემსხვერპლა ქარიშხალ "ჰელენს" შტატებში ათობით ადამიანი ემსხვერპლა
-
გადახედვასულაც არა ვართ ხორცეულის ქვეყანა — 10 სასიქადულო ქართული ვეგანური კერძი სულაც არა ვართ ხორცეულის ქვეყანა — 10 სასიქადულო ქართული ვეგანური კერძი
კომენტარები