გიორგი გახარიამ საქართველოს პრეზიდენტის ინიციატივით შექმნილ "ქართულ ქარტიას" მოაწერა ხელი. ამის შესახებ ინფორმაციას ტელეკომპანია მთავარი ავრცელებს.

არაოფიციალური ცნობით, პარტია "საქართველოსთვის" თავმჯდომარე ორბელიანების სასახლეში დღეს დილით იმყოფებოდა. თუმცა, ყოფილი პრემიერის გუნდში ინფორმაცია ოფიციალურად ჯერ არ დაუდასტურებიათ.

შეგახსენებთ, რომ "ქართული ქარტია" პრეზიდენტმა საზოგადოებას 26 მაისს გააცნო, რომლის მიხედვითაც, დოკუმენტზე ხელმომწერები იღებენ ვალდებულებას, რომ არჩევნების შემდეგ, პარლამენტში შესვლის შემთხვევაში, გაატარონ ევროინტეგრაციისთვის სასიცოცხლოდ აუცილებელი რეფორმები, მათ შორის სასამართლო რეფორმა, გააუქმონ რუსული კანონები, რის შემდეგაც ხალხის მიერ მინიჭებულ მანდატს დააბრუნებენ და ქვეყანაში ვადამდელი არჩევნები ჩატარდება.