დონალდ ტრამპის განცხადებით, ამერიკის შეერთებული შტატების საპრეზიდენტო არჩევნებში მარცხის შემთხვევაში ნაკლებად სავარაუდოა, რომ 2028 წელს ის კვლავ იყრის კენჭს.

შესაბამისი განცხადება აშშ-ის ყოფილმა პრეზიდენტმა Sinclair Media Group-თან ინტერვიუში გააკეთა, როდესაც ჟურნალისტმა ჰკითხა, აპირებს თუ არა ის შემდეგ არჩევნებში მონაწილეობას.

"არა, ვფიქრობ, ამით დავამთავრებ. ამის შესაძლებლობას ვერ ვხედავ. მაგრამ იმედია, რომ ძალიან წარმატებულები ვიქნებით", — განაცხადა ტრამპმა.

BBC-ს ცნობით, აშშ-ის კანონმდებლობის მიხედვით, პრეზიდენტებს ორ ვადაზე მეტით მსახურება არ შეუძლიათ, ამიტომ, ტრამპი 2028 წლის არჩევნებში მონაწილეობას წელს გამარჯვების შემთხვევაშიც ვერ შეძლებს.

ამასთან, CBS-ის ბოლო გამოკითხვის მიხედვით, დემოკრატების კანდიდატ კამალა ჰარისს 52% უჭერს მხარს, რესპუბლიკელ ტრამპს კი - 48%.