ზუგდიდში შსს-მ 19 სექტემბერს ერთიანობა-ნაციონალური მოძრაობის წევრებზე განხორციელებულ თავდასხმაზე გამოძიება 126-ე მუხლით დაიწყო.

ენმ-ის წევრებზე თავდასხმის შესახებ პარტიის ერთ-ერთმა ლიდერმა, ანა წითლაძემ განაცხადა.

წითლაძის განმარტებით, მათ 50-მდე ქართული ოცნების წევრი საინფორმაციო ფლაერების დარიგების დროს დაესხა თავს და ფიზიკურად გაუსწორდნენ როგორც მას, ისევე თანმხლებ ახალგაზრდებს.

"მოჰყვებოდა თეონა ქარდავა, რომელიც არის სუსის აგენტი, 20 ლარიანი. ის წინა წლებშიც მონაწილეობდა ესე, ოპოზიციონერებზე თავდასხმაში და ძირითადად სუსი იყენებდა ხოლმე ესეთი პროვოკაციებისთვის და რეალურად ეს არის, რაც მოაწყვეს და ეს არის, რაც შეუძლიათ მხოლოდ - ფიზიკური დაპირისპირება, მუქარა, ხელის გარტყმა. [...]

ფიზიკური დაპირისპირება იყო, ხელით შეეხნენ ახალგაზრდებს და ხელით შემეხნენ პირადად მეც და მოვუწოდებ ახლა შსს-ს, კანონის შესაბამისად იმოქმედოს", — ამბობს წითლიძე.

ინციდენტს ერთიანი ნაციონალური მოძრაობის განცხადებაც მოჰყვა.

"ქართული ოცნების ძალადობისა და საზოგადოების დაპირისპირების კამპანია ახალ ფაზაში გადავიდა. ზუგდიდში ოცნების დანაშაულებრივი ბანდა თავს დაესხა საქართველოს პარლამენტის დეპუტატს, ანი წითლიძესა და ერთიანობა - ნაციონალური მოძრაობის სხვა წევრებს იმ დროს, როდესაც ისინი წინასაარჩევნო კამპანიას ატარებდნენ და მოქალაქეებს ერთიანობა - ნაციონალური მოძრაობის საარჩევნო პროგრამას აცნობდნენ", — წერია განცხადებაში.