ლიბანში მეორე დღეა აფეთქებები ისმის, ამჯერად ტერორისტული დაჯგუფება ჰეზბოლას მებრძოლებს პორტატიული რადიომიმღებები და რაციები აუფეთქდათ.

BBC-ის ინფორმაციით, ბეირუთის სამხრეთით, დაჰიეში გუშინ აფეთქების შედეგად დაღუპულთა დაკრძალვა მიმდინარეობდა, რა დროსაც ახალი აფეთქება მოხდა. ბეირუთის სამხრეთ უბნებში ქაოსია, მოსახლეობა ერთმანეთს აფრთხილებს, რომ ელექტრონული მოწყობილობებისგან თავი შორს დაიჭირონ.

ამ დროისთვის არსებული მონაცემებით, ბეირუთში აფეთქებების შედეგად ცხრა ადამიანი დაიღუპა, სამასი — დაშავდა.

ცნობისთვის, 17 სექტემბერს ლიბანის დედაქალაქ ბეირუთში ჰეზბოლას რამდენიმე ასეული წევრის პეიჯერები აფეთქდა. ლიბანურ წყაროებზე დაყრდნობით Reuters წერს, რომ პეიჯერებში ასაფეთქებელი მოწყობილობა ისრაელის სადაზვერვო სააგენტომ, „მოსადმა“ ჩადო