პეიჯერების შეტევამ აჩვენა ისრაელის რეჟიმის ველურობა და კრიმინალური ბუნება, – ამის შესახებ ირანის პრეზიდენტმა, მასუდ ფეზეშქიანმა განაცხადა. ამის შესახებ ირანული მედია წერს.

ირანის პრეზიდენტის თქმით, პეიჯერების შეტევა კაცობრიობის დაცემას და ველურობის, სისასტიკის, კრიმინალის გაბატონებას გვიჩვენებს.

"ის ფაქტი, რომ იარაღები და მოწყობილობები, რომლებიც, ჩვეულებრივ, გამოიყენება, როგორც კაცობრიობის კომფორტის, კეთილდღეობის საშუალება, მაგრამ ახლა გამოიყენება, როგორც ტერორისა და განადგურების იარაღი მათ წინააღმდეგ, ვისი შეხედულებებიც არ ჰგავს ჩვენსას, გვიჩვენებს კაცობრიობის დაცემას და ველურობის, სისასტიკის, კრიმინალის გაბატონებას. ამ ინციდენტმა კიდევ ერთხელ აჩვენა, რომ, დასავლეთის ქვეყნებისა და ამერიკელების განცხადებების მიუხედავად, რომ ისინი ცეცხლის შეწყვეტას ცდილობენ, პრაქტიკაში სრულად უჭერენ მხარს სიონისტური რეჟიმის დანაშაულებს, მკვლელობებს და ბარბაროსულ მკვლელობებს", — განაცხადა მასუდ ფეზეშქიანმა.