Facebook-ის, WhatsApp-ისა და Instagram-ის მფლობელმა Meta-მ ორშაბათს გააკეთა განცხადება იმის შესახებ, რომ საკუთარ პლატფორმებზე რუსულ სახელმწიფო მედიასაშუალებებს, მათ შორის — RT-ს ბლოკავს.

Meta-მ ეს გადაწყვეტილება მას შემდეგ მიიღო, რაც აშშ-მ სანქციები დაუწესა RT-ის შვილობილ კომპანიებს და ისინი მოსკოვის დაზვერვის მხარდამჭერ ქმედებებში დაადანაშაულა. ამის შესახებ The Washington Post წერს.

"განხილვის შემდეგ, ჩვენ გავაფართოვეთ შეზღუდვები რუსული სახელმწიფო მედიასაშუალებების მიმართ და,გლობალურად უცხოური ჩარევის აქტივობის გამო, Rossiya Segodnya-ს, RT-ს და სხვა მათთან დაკავშირებულ სუბიექტებისთვის დაიბლოკა ჩვენი აპლიკაციები", – ნათქვამია Meta-ს განცხადებაში.

სახელმწიფო დეპარტამენტის განცხადებაში ნათქვამია, რომ RT და მისი თანამშრომლები კოორდინირებულად მუშაობენ კრემლთან, რათა გავლენა მოახდინონ მომავალ თვის არჩევნებზე მოლდოვაში.