სხვა პოტენციური ანგარიშვალდებულების ქმედებებისა და დაფინანსების ტრანშების შესახებ გადახედვა გრძელდება, — ამის შესახებ აშშ-ის სახელმწიფო დეპარტამენტის პრესსპიკერმა, მეთიუ მილერმა დღეს გამართულ ბრიფინგზე განაცხადა.

მისივე თქმით, იმ პირების დასახელება, რომლებსაც სახელმწიფო დეპარტამენტმა სავიზო შეზღუდვები დაუწესა, კანონის შესაბამისად არ შეუძლია.

"შეგიძლიათ კანონის შეცვლის შესახებ კონგრესს მიმართოთ, რათა იმის უფლება მოგვეცეს, რომ ის ადამიანები დავასახელოთ, რომლებსაც სავიზო შეზღუდვები დავუწესეთ. იქამდე, სანამ ეს კანონი არ შეიცვლება, ჩვენ ამას ვერ გავაკეთებთ", — აღნიშნა აშშ-ის სახელმწიფო დეპარტამენტის პრესსპიკერმა.

შეგახსენებთ, 16 სექტემბერს აშშ-ის სახაზინო დეპარტამენტმა მშვიდობიანი დემონსტრანტებისა და პოლიტიკური ოპონენტების ძალადობრივ დარბევასთან დაკავშირებით საქართველოს მთავრობის ორ ოფიციალურ პირსა და ორ კერძო პირს სანქციები დაუწესა.

ამას გარდა, სანქციები დაუწესდა განსაკუთრებულ დავალებათა დეპარტამენტის დირექტორ ზვიად ხარაზიშვილს (ხარება) და მის მოადგილე, მილერი ლაგაზაურს, ალტ-ინფოს ლიდერებს — კონსტანტინე მორგოშიასა და ზურა მახარაძეს.

სანქციები დაუწესდა ასევე საქართველოში დემოკრატიის ძირის გამოთხრაში მონაწილე 60-ზე მეტი ქართველს და მათი ოჯახის წევრს.