მოხარული ვარ, რომ აშშ აკისრებს პასუხისმგებლობას საქართველოში ადამიანის უფლებების დამრღვევებს, — ამის შესახებ X-ზე სენატორმა ჯიმ რიშმა დაწერა და აშშ-ის მიერ დაწესებულ სანქციებს ეხმაურება.

"მოხარული ვარ, რომ ვხედავ, ამერიკის შეერთებული შტატები აკისრებს პასუხისმგებლობას საქართველოში ადამიანის უფლებების დამრღვევებს. საქართველოს მოქალაქეებს ძალადობისა და შიშის გარეშე უნდა შეეძლოთ სიტყვისა და შეკრების უფლების გამოყენება", — წერს სენატორი.

შეგახსენებთ, რომ დღეს აშშ-მ სავიზო შეზღუდვები დაუწესდა 60-ზე მეტ პირს საქართველოში, მათ შორის ხელისუფლების, ძალოვანი უწყების წარმომადგენლებსა და მათი ოჯახის წევრებს.

აშშ-ს სახაზინო დეპარტამენტმა დღეს, განსაკუთრებულ დავალებათა დეპარტამენტის დირექტორი ზვიად ხარაზიშვილი (ხარება) და მისი მოადგილე, მილერი ლაგაზაური დაასანქცირა. სანქციები ასევე შეეხოთ ალტ-ინფოს ლიდერებს, კონსტანტინე მორგოშიასა და ზურა მახარაძეს.