აშშ-ის სახელმწიფო მდივანმა ენტონი ბლინკენმა სომხეთის პრემიერ-მინისტრთან ნიკოლ ფაშინიანთან სატელეფონო საუბარი გამართა, რომლის დროსაც მხარეებმა ორმხრივი ურთიერთობების გაღრმავების საკითხები განიხილეს, — ინფორმაციას აშშ-ის სახელმწიფო დეპარტამენტი ავრცელებს.

"მდივანმა ბლინკენმა და პრემიერ-მინისტრმა ფაშინიანმა განიხილეს ამერიკა-სომხეთის ურთიერთობები, რომელიც ვითარდება ენერგიის, ვაჭრობისა და ინვესტიციების და განათლების მიმართულებით", — ნათქვამია ინფორმაციაში.

ბლინკენმა ფაშინიანს კიდევ ერთხელ დაუდასტურა აშშ-ის მხარდაჭერა აყვავებული, დემოკრატიული და დამოუკიდებელი სომხეთის მიმართ, რაც სომეხი ხალხისთვის და კავკასიის მთელი რეგიონისთვის სიკეთის მომტანი იქნება.

გარდა ამისა, ბლინკენმა სატელეფონო საუბარში ფაშინიანს განუცხადა, რომ მნიშვნელოვანია, რომ სომხეთმა და აზერბაიჯანმა მყარ და ღირსეულ მშვიდობას მიაღწიონ. ბლინკენის განცხადებით, ის მიესალმება ცოტა ხნის წინ მხარეებს შორის მიღწეულ პროგრესს საზღვრის დემარკაციის საკითხში.