საქართველოს პრეციზიული სროლის ნაკრები საფრანგეთში მსოფლიო ჩემპიონატზე იასპარეზებს. ნაკრებს 11 წევრი ჰყავს - გუნდი დაკომპლექტებულია სამხედრო და სამოქალაქო პირებით.

მსოფლიო ჩემპიონატი პრეციზიული სროლის სახეობაში პირველად ჩატარდება, ტურნირზე 26 ქვეყნის 300 სპორტსმენი მიიღებს მონაწილეობას.

ფოტო: საქართველოს კულტურისა და სპორტის სამინისტრო

საქართველოს ნაკრები მსოფლიოს ჩემპიონატზე მეორედ იასპარეზებს. 2022 წელს ლიმიტედის დივიზიონში გუნდურ შეჯიბრებაში საქართველომ მეშვიდე ადგილი დაიკავა; ამავე დივიზიონში ინდივიდუალურ ასპარეზობაში 50 სპორტსმენს შორის ბექა წიკლაურმა კი შეჯიბრი მეთერთმეტე ადგილზე დაასრულა.

პრეციზიულ სროლას საფუძველი აშშ-ში ჩაეყარა და მსოფლიოში პოპულარობა მალევე მოიპოვა.