საინფორმაციო სააგენტო Yonhap-ი, სამხრეთ კორეის შეიარაღებული ძალების შტაბის უფროსთა კომიტეტზე დაყრდნობით, წერს, რომ ჩრდილოეთ კორეამ ბალისტიკური რაკეტები იაპონიის ზღვისკენ გაუშვა.

სამხრეთ კორეის შეიარაღებული ძალების შტაბის უფროსთა კომიტეტი რაკეტების რაოდენობას არ აკონკრეტებს, მხოლოდ აცხადებს, რომ ჩრდილოეთ კორეის რაკეტებმა 360 კილომეტრი იფრინეს და აღმოსავლეთის ზღვაში დაეშვნენ.

სამხრეთ კორეის შეიარაღებული ძალების შტაბის უფროსთა კომიტეტში აცხადებენ, რომ ყურადღებით აკვირდებიან ჩრდილოეთ კორეის ქმედებებს და ბალისტიკური რაკეტების გაშვებას პროვოკაციას უწოდებენ.

"ჩრდილოეთ კორეა და შეერთებული შტატები ძლიერი ერთობლივი თავდაცვის ფარგლებში უმაღლეს შესაძლებლობებს ვინარჩუნებთ და მზად ვართ ნებისმიერი პროვოკაციის საპასუხოდ", — აცხადებს ჩრდილოეთ კორეა.

ჩრდილოეთ კორეის ლიდერმა, კიმ ჩენ ინმა თქვა, რომ ბირთვული იარაღის ექსპონენციური ზრდის მისაღწევად, ქვეყანა გააგრძელებს ბირთვული ძალების გაძლიერების პოლიტიკას.

რამდენიმე დღის წინ ფხენიანმა განაცხადა, რომ სამხრეთ კორეას და აშშ-ს ერთობლივი წვრთნებისთვის "მაღალი ფასის" გადახდა მოუწევთ.