14 წელში გავაკეთეთ 194 გამოფენა, გამოვეცით 39 დასახელების 57 წიგნი და 13 ლიტერატურული კალენდარი, — ამის შესახებ სოციალურ ქსელში ლიტერატურის მინისტრის ყოფილი დირექტორი ლაშა ბაქრაძე წერს.

მისი თქმით, კულტურის სამინისტროს აუდიტი ერთი წელია ეძებს რაიმე დარღვევას, მაგრამ ჯერჯერობით ვერაფერი იპოვეს.

"თვალი გადავავლე განვლილ 14 წელს ლიტერატურის მუზეუმში.

194 გამოფენა გაგვიკეთებია. 39 დასახელების 57 წიგნი (ანუ ზოგიერთი მრავალტომეული) გამოვეცით და 13 ლიტერატურული კალენდარი, რომელიც ძალიან პოპულარული გახდა საზოგადოებაში.

ასობით წიგნის პრეზენტაცია, ლიტერატურული საღამო, საუბარი ავტორებთან ან მთარგმნელებთან, დისკუსია სხვადასხვა თემაზე, ფილმის ჩვენება და სხვა ღონისძიება.

როდესაც უცხოელები მეკითხებოდნენ ბიუჯეტი რამდენი გაქვთო, მორცხვად ვპასუხობდი: 305 ათასი ლარი (და ესეც ბოლო 4 წლის განმავლობაში. რომ მოვედი 175 ათასი იყო და მეტი ვერ მოგვიმატეს)

შოკირებულნი: თვეშიო?

— არა, წლის ბიუჯეტია-მეთქი და აქედან 80% სახელფასო ფონდი, დანარჩენი კი არ ყოფნის კომუნალურ გადასახადებს.

შეიძლება, ჩემი ხელფასი აინტერესებდეს ვინმეს - "ხელზე" 1360 ლარი (ესეც ბოლო წლებში).

მაგრამ, რა მეთქმის, მაშინ როცა დამსახურებულ თანამშრომლებს, რომლებმაც წლები, ბევრმა – ცხოვრების დიდი ნაწილი შეალია მუზეუმს, 400 ლარი აქვთ თვეში.

გასული წლის შემოდგომაზე სამინისტროს აუდიტი გვყავდა, რომელსაც დეკემბრის შუა რიცხვებში შემაფასებელი დასკვნა უნდა გამოეგზავნა გასაცნობად. ერთი წელია ეძებენ რაიმე დარღვევას და ალბათ, ახლა თუ იპოვიან რამეს, რომ კიდევ უფრო მეტი ჩრდილი მომადგეს.

ვიცი, ამ ფოტოსაც ბოროტად გამოიყენებენ ისინი, ვისაც არც ხელოვნება ესმის და არც კულტურა“, — წერს ლაშა ბაქრაძე.

ამავე თემაზე:

თეა წულუკიანი: დავიწყეთ საქმისწარმოება

ლაშა ბაქრაძის განცხადება "ქართულმა ოცნებამ", "გირჩმა" და გახარიას პარტიამ გააკრიტიკეს

ლაშა ბაქრაძე: თუ ჩემი ნათქვამი არასწორად აღიქვა ვინმემ ან ისე გაიგო, როგორც არ მიგულისხმია — ბოდიშს ვიხდი

ლაშა ბაქრაძე ლიტერატურის სახელმწიფო მუზეუმის დირექტორობიდან გაათავისუფლეს

ლაშა ბაქრაძე: თუ ჩემი ნათქვამი არასწორად აღიქვა ვინმემ ან ისე გაიგო, როგორც არ მიგულისხმია — ბოდიშს ვიხდი