გაეროს გენერალურმა მდივანმა, ანტონიუ გუტერეშმა AP News-თან ინტერვიუში განაცხადა, რომ "გაერო მზადაა, ცეცხლის შეწყვეტის თაობაზე ნებისმიერ შეთანხმებას მხარი დაუჭიროს".

"ჩემი გაერო-ს გენერალური მდივნის თანამდებობაზე ყოფნის პერიოდში, ღაზაში მიმდინარე ტანჯვის დონე, ჩემთვის უპრეცენდენტოა. არასდროს მინახავს სიკვდილისა და ნგრევის ასეთი დონე, როგორსაც ბოლო თვეების განმავლობაში ღაზაში ვხედავთ", — განაცხადა გუტერეშმა.

მანვე განმარტა, რომ იმაზე ფიქრი, თითქოს გაეროს მნიშვნელოვანი როლის თამაში შეუძლია ღაზის სექტორის მომავალში, იქნება ეს ტერიტორიული ადმინისტრირება თუ სამშვიდობო ძალების განთავსება, არარეალურია, რადგან ნაკლებად სავარაუდოა ისრაელი გაეროს ამ როლზე დათანხმდეს.

მან მზაობა გამოხატა საერთაშორისო საზოგადოების მოთხოვნების დაკმაყოფილებაზე, თუმცა საკითხავია, მიიღებენ თუ არა ამას მხარეები, მიიღებს თუ არა ამას ისრაელი.