თავდაცვის სამინისტროს გავრცელებულ რელიზში ვკითხულობთ, რომ თავდაცვის მინისტრი ირაკლი ჩიქოვანი გერმანიაში ვიზიტით იმყოფებოდა. ის უკრაინის თავდაცვის საკონტაქტო ჯგუფის რიგით 24-ე შეხვედრას დაესწრო, რომელიც რამშტაინის ავიაბაზაზე შედგა.

განცხადებაში წერია, რომ შეხვედრის მონაწილეებმა უკრაინაში არსებული ვითარება და უკრაინისთვის კოორდინირებული სამხედრო დახმარების გაწევის საჭიროებები განიხილეს.

ცნობისთვის, უკრაინის თავდაცვის საკონტაქტო ჯგუფი, შეერთებული შტატების ინიციატივით 2022 წელს შეიქმნა და ის 50-ზე მეტ ქვეყანას აერთიანებს.