აშშ-მ რუსული სახელმწიფო მედიაკომპანია RT-ის ხელმძღვანელობა, მათ შორის მარგარიტა სიმონიანი, და FSB-სთან დაკავშირებული ჰაკერები დაასანქცირა.

მარგარიტა სიმონიანი მის წინააღმდეგ სანქციების შესახებ გავრცელებულ ინფორმაციას ტელეგრამ-არხზე გამოეხმაურა:

„ვაუ, გაიღვიძეს“, – დაწერა სიმონიანმა ტელეგრამზე.

RT-ის პრესსამსახურმა, BBC-სთვის მიცემულ კომენტარში, ბრალდებები უარყო.

BBC წერს, რომ აშშ-ის იუსტიციის დეპარტამენტმა სისხლის სამართლის საქმე აღძრა RT-ის ორი თანამშრომლის წინააღმდეგ და დააკავა ოცდაათი ინტერნეტ პორტალი, რომლის მეშვეობითაც, დეპარტამენტის ცნობით, ვრცელდებოდა დეზინფორმაცია, მათ შორის ხელოვნური ინტელექტის მიერ.

იუსტიციის დეპარტამენტის ხელმძღვანელმა მერიკ გარლანდიმ თქვა, რომ 31 წლის კონსტანტინე კალაშნიკოვს და 27 წლის ელენა აფანასიევას ბრალი წაუყენეს ფულის გათეთრებასა და RT-ის თანამშრომლების უცხოელ აგენტებად რეგისტრაციაში.

RT-ის მთავარი რედაქტორის მარგარიტა სიმონიანის გარდა, სანქციები დაუწესდა მისი მოადგილეებს, ელიზავეტა ბროდსკაიასა და ანტონ ანისიმოვის, RT ინგლისური ტელემაუწყებლობის დირექტორის მოადგილეს ანდრეი კიაშკოს, აგრეთვე ციფრული მედიის პროექტების დეპარტამენტის თანამშრომლებს, კალაშნიკოვსა და აფანასიევს.

ამას გარდა, აშშ-ის ხელისუფლებამ 10 მილიონი დოლარის ჯილდო დააწესა RaHDit-თან დაკავშირებული ჰაკერების შესახებ ინფორმაციისთვის. RT-ის ხელმძღვანელობისა და ჰაკერების გარდა, ამერიკის სანქციები დაექვემდებარა არაკომერციულ ორგანიზაციას Dialogue. აშშ-ის ხელისუფლების განცხადებით, ეს ორგანიზაცია ეწევა ხელოვნური ინტელექტის გამოყენებას არჩევნებთან დაკავშირებული დეზინფორმაციის შექმნას.