ლვოვში, რუსეთის სარაკეტო თავდასხმას სამი ადამიანის სიცოცხლე ემსხვერპლა. რეგიონული სახელმწიფო ადმინისტრაციის ხელმძღვანელის, მაქსიმ კოზიცკის თქმით, დაღუპულთა შორის ერთ-ერთი ბავშვია. დაშავებულია 35 ადამიანი

"სამწუხაროდ, გვყავს ლვოვში ღამის თავდასხმის შედეგად მოკლული მესამე ადამიანი. ეს 14 წლის გოგონაა", — წერს კოზიცკი.

დაშავებულთა შორის 5 ბავშვია — 15 წლის ბავშვის მდგომარეობა საშუალო სიმძიმით ფასდება, ოთხს მსუბუქი დაზიანებები აქვს.

ლვოვის საკრებულოს დეპუტატმა იგორ ზინკევიჩმა განაცხადა, რომ ქალაქის ცენტრში 50-ზე მეტი სახლი დაზიანდა. დაზიანდა ასევე 2 სამედიცინო დაწესებულება და 2 სკოლა.