ვლადიმერ პუტინი მონღოლეთში ჩავიდა. ამის შესახებ ინფორმაციას სააგენტო TASS ავრცელებს.

ორდღიანი ვიზიტის ფარგლებში, რუსეთის პრეზიდენტი მონღოლეთის პრეზიდენტს, უხნააგიინ ხურელსუხს შეხვდება და რამდენიმე ოფიციალურ დოკუმენტს მოაწერს ხელს.

შეგახსენებთ, რომ მონღოლეთი სისხლის სამართლის საერთაშორისო სასამართლოს რომის წესდების (ICC), იგივე რომის სტატუტის წევრი 2003 წელს გახდა. რაც იმას ნიშავს, რომ ქვეყანა ვალდებულია ითანამშრომლოს სასამართლოსთან, მის ტერიტორიაზე მყოფი ყველა ეჭვმიტანილი დააპატიმროს და სასამართლოს გადასცეს.

სააგენტო Bloomberg-ის ცნობით, ულან-ბატორი პუტინს დაჰპირდა, რომ ქვეყანაში ჩასვლის შემთხვევაში მას არ დააპატიმრებენ.