რუსეთის პრესსმდივანმა დიმიტრი პრესკოვმა განაცხადა, რომ რუსეთის ხელისუფლებას არ ადარდებს მონღოლეთში ვიზიტის გამო პუტინის შესაძლო დაკავება.

ხუთშაბათს, რუსეთის ხელისუფლებამ განაცხადა, რომ 3 სექტემბერს რუსეთის პრეზიდენტი ვლადიმერ პუტინი მონღოლეთს ეწვევა.

სისხლის სამართლის საერთაშორისო სასამართლოს, უკრაინაში შეჭრისა და ომის სავარაუდო დანაშაულებში ბრალეულობის გამო, 2023 წლის შემდეგ პუტინის დაკავების ორდერი აქვს გამოცემული.

2023 წლის შემდეგ, პუტინის რომის სტატუტის ხელმომწერ ქვეყანაში ვიზიტი პირველი იქნება.

პესკოვმა მედიის კითხვაზე, — იყო თუ არა ვიზიტის წინ სასამართლოს ორდერი განხილვის საგანი თქვა, რომ "ვიზიტის ყველა ასპექტი საგულდაგულოდ მზადდება".

პუტინს რამდენიმე თვის წინ აფრიკაში BRICS-ს სამიტზეც ჰქონდა დაგეგმილი ვიზიტი. როგორც მოგვიანებით გაირკვა, სამხრეთ აფრიკის პრეზიდენტმა "ურჩია" რომ არ ჩასულიყო.

(სამხრეთ აფრიკა ასევე არის რომის სტატუტის ხელმომწერი ქვეყანა).

მონღოლეთის ხელისუფლებას ამ საკითხზე ოფიციალური კომენტარი არ გაუკეთებია, თუმცა Bloomberg-მა კრემლთან დაახლოებულ პირზე — სერგეი მარკოვზე დაყრდნობით თქვა, რომ რუსეთის საგარეო საქმეთა სამინისტროში შეხვედრა გაიმართა დიპლომატიურ წარმომადგენლებთან და მიმღები ქვეყანამ სრულად დაარწმუნა — არც პუტინი და არც დელეგაციის რომელიმე წევრს დაპატიმრება არ ემუქრება.

ცნობისთვი, სისხლის სამართლის საერთაშორისო სასამართლოს წევრ ქვეყნებს ვალდებულება აქვთ, რომ ორდერი აღასრულონ.

მონღოლეთი ხელმომწერი ქვეყანა 2002 წელს გახდა.