"უკრაინას ახლა საჰაერო თავდაცვა სჭირდება. მე განვიხილავ ამას ხუთშაბათს ევროკავშირის საგარეო საქმეთა მინისტრების არაფორმალურ შეხვედრაზე", — ამის შესახებ ევროკავშირის უმაღლესი წარმომადგენელი, ჟოზეფ ბორელი სოციალურ ქსელში წერს.

"რუსეთმა უკრაინის წინააღმდეგ აგრესია მასიური თავდასხმებით გააძლიერა, მან შეუტია სამოქალაქო ინფრასტრუქტურას, მათ შორის ჰიდროელექტროსადგურებს და გამოიწვია მსხვერპლი. უკრაინას ახლა საჰაერო თავდაცვა სჭირდება. მე განვიხილავ ამას ხუთშაბათს ევროკავშირის საგარეო საქმეთა მინისტრების არაფორმალურ შეხვედრაზე", — წერს ბორელი.

ცნობისთვის, რუსეთმა უკრაინაზე მასობრივი სარაკეტო იერიში მიიტანა. გუშინ, თავდასხმების შედეგად სულ მცირე 7 ადამიანი დაიღუპა, დაშავდა 47, მათგან 4 ბავშვია.

27 აგვისტოს უკრაინის მთელ ტერიტორიაზე საჰაერო განგაშია გამოცხადებული.