უკრაინაში, ქალაქ კრამატორსკზე რუსეთის სარაკეტო იერიშს Reuters-ის გუნდის წევრი, რაიან ევანსი ემსხვერპლა. Reuters-ის ინფორმაციით, დაშავებულია კიდევ ორი ჟურნალისტი.

38 წლის რაიან ევანსი Reuters-ის გადამღები ჯგუფის წევრი იყო და სააგენტოში 2022 წლიდან მუშაობდა. ის და გამოცემის კიდევ 5 თანამშრომელი ქალაქის ერთ-ერთ სასტუმროში იმყოფებოდნენ, როდესაც ის რუსული ჭურვმა იმსხვერპლა.

"ვუსამძიმრებთ რაიანის ოჯახსა და მეგობრებს. რაიანი ბევრ ჩვენს ჟურნალისტს ეხმარებოდა მსოფლიოს სხვადასხვა წერტილში ახალი ამბების გაშუქებაში, ჩვენ ის ძალიან მოგვენატრება", — განაცხადა Reuters-ის წარმომადგენელმა.

სააგენტოში განმარტავენ, რომ ევანსი ყოფილი ჯარისკაცი იყო და ჟურნალისტებს უსაფრთხოების მიმართულებით აძლევდა რჩევებს. ის მუშაობდა მედიასთან უკრაინაში, ისრაელსა და პარიზის ოლიმპიურ თამაშებზე.