თბილისის მერობის კანდიდატი კახა კალაძე ამომრჩეველს პირობას აძლევს, რომ მისი არჩევის შემთხვევაში, თბილისში დასრულდება ე.წ. ურბანული გენოციდი:

"მოგვარდება ქაოტური, უხარისხო და უსახური მშენებლობების პრობლემა. თითოეული გაცემული ნებართვა, თითოეული დამტკიცებული პროექტი, ეს იქნება გადაწყვეტილება მხოლოდ ერთიანი ურბანული კონცეფციიდან გამომდინარე".

კალაძის თქმით, წლების განმავლობაში, თბილისს არც ურბანული განვითარების ერთიანი კონცეფცია ჰქონდა და არც თბილისის ვიზუალური მხარის, არქიტექტურული უნიკალურობისა და მშენებლობის უსაფრთხოების ხედვა:

"ეს არის ჩვენი მინიმუმ ბოლო 25 წლიანი მემკვიდრეობა და თუ გნებავთ დანაშაულიც კი. ჩვენი გუნდი აპირებს ერთობლივად, კომპლექსურად ყველა პრობლემის მოგვარებაზე მუშაობის დაწყებას".