შეერთებული შტატების ამჟამინდელმა ვიცე-პრეზიდენტმა კამალა ჰარისმა, რომელიც მაღალი ალბათობით მომავალ კვირას ოფიციალურად ჩაერთვება საპრეზიდენტო საარჩევნო მარათონში, ვიცე-პრეზიდენტობის კანდიდატად ტიმ უოლცი დაასახელა.

მინესოტის 60 წლის გუბერნატორი, კონგრესის ექვსგზის წევრი - უოლცი წარსულში გეოგრაფიის მასწავლებელი და საფეხბურთო გუნდის მწვრთნელი გახლდათ;

ტიმ უოლცი ნებრასკის შტატში, ქალაქ ვესტ პოინტში დაიბადა, 17 წლის ასაკში ეროვნულ გვარდიას შეუერთდა, სადაც 24 წელი დაჰყო. 2006 წელს კი კონგრესის წევრი გახდა მინესოტიდან. ის აქტიურად მუშაობდა ვეტერანთა საჭიროებებზე - მენტალური ჯანმრთელობის პრობლემების აღმოფხვრასა თუ თვითმკვლელობის პრევენციის საკითხებზე.

არის უკრაინის მხარდამჭერი, რუსეთის ფართომასშტაბიანი სამხერდო აგრესიის წინააღმდეგ;

2023 წელს, უოლცმა მინესოტაში აბორტის უფლების კანონი დაამტკიცა; [ეს საკითხი, წინასაარჩევნოდ, განსაკუთრებით მნიშვნელოვანია ამერიკულ საზოგადოებაში და არაერთი ანალიტიკოსის მოსაზრებით საპრეზიდენტო შედეგების განსაზღვრისას ერთ-ერთი მთავარი ფაქტორი იქნება].

იმავე წელს უოლცმა მიიღო კანონი იარაღის მფლობელებისთვის სავალდებულო შემოწმების შესახებ;

მისი ინიციატივით, მინესოტაში სკოლის მოსწავლეებს უფასო კვება აქვთ.