ერაყის აინ ალ-ასადის საჰაერო ბაზას, სადაც აშშ-ს და სხვა საერთაშორისო ჯარები არიან განლაგებულნი, ორშაბათს ორი რაკეტით თავს დაესხნენ. — ინფორმაციას სააგენტო Reuters ავრცელებს.

სააგენტოს ცნობით, ჯერჯერობით მსხვერპლის შესახებ ინფორმაცია ცნობილი არ არის. გავრცელებული ცნობებით, იერიშის შედეგად რამდენიმე ამერიკელი სამხედრო დაშავდა.

თავდასხმაზე პასუხისმგებლობა ერაყში მოქმედმა შიიტურმა შეიარაღებულმა დაჯგუფებამ, ალ-თავრიუნმა აიღო, რომელიც ირანის მოკავშირეა.