2024 წლის 1-ლი ივლისიდან, საქართველოში, იურიდიული ძალა დაეკარგა 2011 წლის 28 ივლისამდე გაცემულ პირადობის მოწმობებს.

ჯანდაცვის სამინისტროს ცნობით, პენსიის, თუ სხვა სოციალური დახმარების მიღებისთვის აუცილებელი იქნება ახალი პირადობის მოწმობა, რომლის მიღებასაც, მოქალაქეები, იუსტიციის სახლში, მობილურ იუსტიციის სახლში და სახელმწიფო სერვის ცენტრებში შეძლებენ.

მოქალაქეებს, რომლებსაც ჯერ არ შეუცვლიათ ე.წ. ლამინირებული პირადობის მოწმობა, ერთი თვის განმავლობაში, სერვისებზე წვდომა შეუნარჩუნდებათ.

1-ლი აგვისტოდან, პირებს, რომლებსაც ახალი პირადობის მოწმობა არ აქვთ სოციალური დახმარების, პენსიის და სხვა გასაცემელების მიღება მხოლოდ შესაბამისი ბანკის ფილიალში მისვლით შეეძლებათ. მათ შეზღუდული ექნებათ ბანკომატების და ტერმინალების გამოყენება, ისევე როგორც, საბანკო გადარიცხვები და სხვა საბანკო ოპერაციების განხორციელების შესაძლებლობა.