ქართულმა არქიტექტურულმა სტუდიამ Artytechs • არტიტექსი პრესტიჟული არქიტექტურული ჯილდო, A'Design Awards მოიგო!

A'Design Awards საერთაშორისო არქიტექტურული კონკურსია, რომელიც ამ დისციპლინის სხვადასხვა მიმართულებების კატეგორიებს მოიცავს. წელს კონკურსზე განაცხადი 200 000 მონაწილეს ჰქონდა შეტანილი, რომელთა ნამუშევრებიც ჟიურის 278-მა წევრმა შეაფასა. არტიტექსის ნამუშევარი რჩეულ 300 პროექტში მოხვდა, შემდეგში კი კონკურსის პრიზიორი გახდა.

აღსანიშნავია, რომ არტიტექსის მიერ წარდგენილი საოჯახო სასტუმროს პროექტი ქართული დიზაინის ავთენტურ ელემენტებს მოიცავს. სტუდიამ აბასთუმანში მდებარე ისტორიული შენობის რეკონსტრუქციის კონცეფცია დაამუშავა. ავტორებმა პროექტში შეინარჩუნეს სამშენებლო სივრცეში მდებარე ნანგრევები და მას ქართულ ტრადიციულ არქიტექტურასთან შერწყმული თანამედროვე მოდულები დაუმატეს.

ფოტო: Artytechs

ფოტო: Artytechs