ჰოლივუდის ორი დივა, ნატალი პორტმანი და რიანა, ერთმანეთს იანვარში, პარიზის მოდის კვირეულზე შეხვდა. ამ შეხვედრაზე პორტმანმა ჯიმი ფელონის შოუში ისაუბრა.

როგორც პორტმანი ყვება, უკვე დიდი ხანია, რაც რიანას ფანია, ამიტომ მასთან შეხვედრისას ემოციები ვერ დამალა და გაუმხილა, რომ ძალიან უყვარს და მის მუსიკას სულ უსმენს. "ჰოლივუდის ყველაზე სექსუალური ძუკნა ხარ," — ბარბადოსელმა მომღერალმა პასუხად პორტმანს კომპლიმენტი უთხრა, რომელიც განქორწინების პროცესში მყოფ პორტმანს ძალიან დაეხმარა და თვითშეფასება აუმაღლა.

"ვფიქრობ, ყველა ქალს, რომელიც განქორწინების რთულ პროცესში იმყოფება, რიანამ უნდა უთხრას, რომ სასურველი ძუკნაა," — განაცხადა ოსკაროსანმა პორტმანმა ჯიმი ფელონის შოუში.

პორტმანის განქორწინების სასამართლო პროცესი მარტში დასრულდა. მისი ყოფილი მეუღლე ქორეოგრაფი ბენჯამინ მილეპიდია, რომელიც პორტმანმა 2010 წელს, ფილმ შავი გედის გადაღებისას გაიცნო. წყვილს ორი საერთო შვილი ჰყავს.