"შეშფოთებას გამოვხატავთ საქართველოში მომუშავე ჟურნალისტების მიმართ მუქარების და ფიზიკური თავდასხმების გამო" — მედიის თავისუფლების კოალიცია
![](http://joey.on.ge/2024/04/15/photo_2024-04-15_09-52-50_661cc13ca6db4.jpg)
ფოტო: მარიამ მერლანი / On.ge
მედიის თავისუფლების კოალიცია (MFC) რუსული კანონის შესახებ ავრცელებს განცხადებას, რომელსაც ხელს აწერს 25 ქვეყანა.
ხელმომწერი ქვეყნები შეშფოთებას გამოხატავენ საქართველოში მედიის თავისუფლების მდგომარეობის გაუარესების გამო. მათი თქმით, რუსული კანონი საფრთხეს უქმნის საქართველოს დემოკრატიის ფუნდამენტს და ის გავლენას მოახდენს ბევრ მედიასა და არასამთავრობო ორგანიზაციაზე.
"ორგანიზაციები, რომლებიც დაფინანსების 20%-ზე მეტს იღებენ უცხოური წყაროებიდან მოეთხოვებათ დარეგისტრირდნენ ორგანიზაციებად, რომლებიც უცხო ძალის ინტერესებს ემსახურებიან", — წერია განცხადებაში, რომლის მიხედვით, ეს ფაქტი განსაკუთრებით შემაშფოთებელია მოახლოებული საქართველოს საპარლამენტო არჩევნებისთვის ფონზე.
განცხადების მიხედვით, დამოუკიდებელი, კრიტიკული ჟურნალისტიკა თავისუფალი, ინკლუზიური და დემოკრატიული საზოგადოების აუცილებელი საფუძველია, ხოლო არასამთავრობო ორგანიზაციებისთვის შესაბამისი გარემოს შექმნა და შენარჩუნება, ისევე როგორც მედიის თავისუფლების დაცვა, დემოკრატიის საფუძველია.
"ჩვენ ღრმა შეშფოთებას გამოვხატავთ საქართველოში მომუშავე ჟურნალისტებისა და სამოქალაქო საზოგადოების წარმომადგენლების მიმართ განხორციელებული მუდმივი მუქარების, ფიზიკური თავდასხმებისა და ქონების განადგურების გამო. ჩვენ ვგმობთ ნებისმიერი სახის დაშინებასა და ძალადობას თავისუფალ მედიასა და სამოქალაქო საზოგადოებაზე. ისინი ეფექტური და სტაბილური დემოკრატიის აუცილებელ კომპონენტებს წარმოადგენენ".
MFC აცხადებს, რომ მისი წევრი ქვეყნები მხარს უჭერენ საქართველოს დამოუკიდებელ მედიასა და სამოქალაქო საზოგადოებას და განაგრძობენ მათ მხარდაჭერას დემოკრატიული მომავლის, ევროპული და ევროატლანტიკური ინსტიტუტებისკენ სწრაფვის გზაზე.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები