რიანას თეთრეულისა და საცვლების ბრენდმა Savage X Fenty კლასიკური აქსესუარების კოლექცია გამოუშვა, სადაც მამაკაცთა ბოქსერებისა და მაისურების მოდურ ვარიაციებს ვხვდებით. ბრენდის მიერ ინსტაგრამზე გამოქვეყნებულ ფოტოებში რიანას ოჯახს, რეპერ A$AP Rocky-ს და მათი ორი წლის შვილს, რიზას ვხედავთ, რომელიც მამას ხელში უჭირავს.

ფოტო: Savage X Fenty

რიანას და A$AP Rocky-ს რიზა 2022 წლის მაისში შეეძინათ, 2023 წლის აგვისტოში კი მეორე შვილის, რაიოტ როუზის მშობლებიც გახდნენ.

ფოტო: Savage X Fenty

ამ თვეში რიანამ Interview Magazine-თან საკუთარ ოჯახსა და მესამე შვილის ყოლის ალბათობაზე ისაუბრა: "იმდენი შვილი მეყოლება, რამდენიც ღმერთს სურს," — თქვა ცხრა გრემის მფლობელმა მომღერალმა — "არ ვიცი, მას რამდენი შვილი უნდა, რომ მყავდეს, თუმცა, მე ორზე მეტი მინდა. გოგონას შეძენას ძალიან ველოდები, მაგრამ, ცხადია, მესამე ბიჭი თუ მეყოლება, ესეც ძალიან გამიხარდება."

ფოტო: Savage X Fenty