შინაგან საქმეთა სამინისტროს ინფორმაციით, საქართველოს სახელმწიფო საზღვრის უკანონოდ გადაკვეთის, გადაკვეთის მცდელობის, საზღვარზე მიგრანტის უკანონოდ გადაყვანის ორგანიზებისა და ყალბი დოკუმენტის გამოყენების ბრალდებით, უცხო ქვეყნის 4 მოქალაქე დააკავეს.

დანაშაულები 8 წლამდე ვადით პატიმრობას ითვალისწინებს.

გამოძიებით დადგინდა, რომ თურქეთის ორი მოქალაქე ცდილობდა, საქართველოს ტერიტორიაზე, სასაზღვრო საკონტროლო-გამტარი პუნქტის სარფის გვერდის ავლით, სატვირთო მანქანით უკანონოდ გადმოეყვანა თურქეთის ორი სხვა მოქალაქე.

შსს-ს ცნობით, თურქეთის კიდევ ერთი მოქალაქე, ქუთაისის დავით აღმაშენებლის სახელობის საერთაშორისო აეროპორტში იმ დროს დააკავეს, როდესაც ის ყალბი პასპორტის გამოყენებით საქართველოს დატოვებას ცდილობდა.