მთავარი არხის ინფორმაციით, პარლამენტის იურიდიული კომიტეტის თავმჯდომარე ანრი ოხანაშვილი არის ერთ-ერთი, ვისაც ამერიკის სანქციები შეეხო.

მათი ცნობით, დადასტურებულია, რომ სანქცირებულთა სიაში ოხანაშვილის მოხვედრა პოლიტიკურ საქმიანობას, კერძოდ, რუსულ კანონს უკავშირდება.

სწორედ იურიდიულ საკითხთა კომიტეტის თავმჯდომარე იყო მთავარი ფიგურა კანონის მიღებისას, მას შემდეგ, რაც პროცესს მამუკა მდინარაძე ჩამოშორდა.

მთავარი არხის წყარო ამბობს, რომ სანქცირება და ოხანაშვილის დასახელება გენერალური პროკურორობის კანდიდატად, შესაძლოა, ერთმანეთთან იყოს დაკავშირებული.

ტელეკომპანიის ინფორმაციით, მმართველი გუნდი გენერალური პროკურორის თანამდებობაზე ანრი ოხანაშვილს განიხილავს.

გენერალურმა პროკურორმა ირაკლი შოთაძემ, თანამდებობიდან წასვლის შესახებ, 23 მაისს განაცხადა.