რა მოხდა: თბილისის მერი კახა კალაძე, ჯორჯიან უოთერ ენდ ფაუერის (GWP) გენერალურ დირექტორს ხოსე მიგელ სანტოს გონსალესს და აქტივების მართვის დირექტორს გიგა ნადირაძეს შეხვდა.

  • ინფორმაციას თბილისის მერიის პრესსამსახური ავრცელებს.

დეტალები: GWP-ის გენერალური დირექტორის განცხადებით, სოფელ წიწამურთან დაზიანებული მაგისტრალის აღდგენის სამუშაოები 24-საათიან რეჟიმში ხორციელდება და არაუგვიანეს ერთ კვირაში დასრულდება.

  • "დაახლოებით, 63 000 აბონენტია, ვისაც სასმელი წყალი გრაფიკით მიეწოდება. მოსახლეობის მოთხოვნის შემთხვევაში, მოხდება შესაბამისი რეზერვუარების საშუალებით წყლის მიწოდება. ეს 63 000 აბონენტი, მაქსიმუმ ერთი კვირის მანძილზე გრაფიკით მიიღებს სასმელ წყალს. დაახლოებით, ეს ვადა დასჭირდება დაზიანების აღმოფხვრას", — განაცხადა ირაკლი ბენდელიანმა, თბილისის მერის მოადგილემ.

კონტექსტი: 16 ივნისს, წიწამურთან დაზიანდა მაგისტრალური წყალსადენი, რომელიც თბილისში ვაკე-საბურთალოს და გლდანის რაიონების ნაწილს და ქალაქ მცხეთას ამარაგებს.

  • GWP-ის მიხედვით, მესამე მხარის მიერ დიდი ოდენობით დაყრილი მასალის ზეწოლამ გამოიწვია ჯივიპის ცენტრალური წყალსადენის რამდენიმე მონაკვეთის დეფორმირება და გადაბმის ადგილების ერთმანეთისგან დაშორება.

გაიგე მეტი: "GWP-ს აქვს ძალიან დიდი პრობლემები ქალაქში, ამორტიზებულია და საჭიროებს განახლებას" — კალაძე