მოკლედ: ამერიკის შეერთებული შტატების საელჩომ საქართველოში განაცხადა, რომ 26 მაისს, საქართველოს დამოუკიდებლობისადმი მიძღვნილ ღონისძიებაში მონაწილეობაზე უარი თქვეს "ქართული ოცნების" დამფუძნებლის და საპატიო წევრის, ბიძინა ივანიშვილის განცხადების გამო.

  • ინფორმაციას ტელეკომპანია ფორმულა ავრცელებს.

დეტალები: საელჩოს თქმით, 29 აპრილის გამოსვლაში შტატების მიმართ ცრუ ნარატივები გაავრცელა, ღონისძიებაში მონაწილეობაც ამიტომ გაუქმდა.

  • ⁠"ამერიკის მონაწილეობა 26 მაისის სამთავრობო ღონისძიებაში გაუქმდა შეერთებული შტატების მიმართ ცრუ ნარატივების გავრცელების გამო, რომელიც გაჟღერებული იყო ქართული ოცნების საპატიო თავმჯდომარის მიერ 29 აპრილის გამოსვლისას.

  • შეერთებული შტატები რჩება საქართველოს სუვერენიტეტის და ტერიტორიული მთლიანობის მტკიცე მხარდამჭერად და სურს იხილოს ევრო-ატლანტიკურ სტრუქტურებში მტკიცედ ინტეგრირებული საქართველო. ჩვენ მოვუწოდებთ საქართველოს მთავრობას, დაუბრუნდეს ამ გზას", — განაცხადეს საელჩოში.

ბოლო ხაზი: 29 აპრილს, საქართველოს ხელისუფლებამ, პარლამენტის წინ, რუსული კანონის მოწინააღმდეგეთა კონტრაქცია გამართა.

  • შეკრებილებს სიტყვით მიმართეს მამუკა მდინარაძემ, კახა კალაძემ, ირაკლი ღარიბაშვილმა, ირაკლი კობახიძემ.
  • "რით ვერ გაიცნეს ერთი პატრიოტი კაცი, ბიძინა ივანიშვილი, რომელსაც, როგორ არ შემოუარეს, როგორ არ დაემუქრნენ, როგორ არ სცადეს მისი დაშანტაჟება, მაგრამ ის მუდმივად იყო ჩვენი ქვეყნის გვერდით. ბიძინა ივანიშვილს გაუმარჯოს!", — ამ სიტყვებით წარადგინა ივანიშვილი მამუკა მდინარაძემ.

ამ თემაზე: ბიძინა ივანიშვილის მიმართვა რუსული კანონის მხარდასაჭერად, პარლამენტთან ორგანიზებულად შეკრებილებს