რა ხდება: საქართველოს პრემიერ-მინისტრი, ირაკლი კობახიძე, ეხმაურება გუშინ, 4 ივლისს, გაეროს ასამბლეის მიერ მიღებულ რეზოლუციას, რომელსაც ჩინეთმა მხარი არ დაუჭირა.

  • კობახიძე ჩინეთს მადლობას უხდის იმისთვის, რომ "შეინარჩუნა მანამდე დაკავებული პოზიცია".

დეტალები: "ჩინეთი აღიარებს ჩვენ ოკუპირებულ ტერიტორიებს, ეს რეზოლუცია მაგას არ ეხებოდა. ჩინეთი მყარად აღიარებს საქართველოს სუვერენიტეტს და ტერიტორიულ მთლიანობას. ეს არის ჩინეთის ოფიციალური პოზიცია", — განაცხადა კობახიძემ.

  • მისივე თქმით, გაეროს რეზოლუციაზე, მხარდამჭერების რაოდენობა წლიდან წლამდე იზრდება და ეს საგარეო საქმეთა სამინისტროს განსაკუთრებული დამსახურებაა:
  • "შარშან პირველად ჩვენ მოვახერხეთ და სამნიშნა რიცხვით დავაფიქსირეთ მხარდაჭერა რეზოლუციის მიმართ და წელს რეკორდული მაჩვენებელი გვქონდა, 103-მა ქვეყანამ დაუჭირა მხარი ჩვენს რეზოლუციას".

კონტექსტი: 4 ივნისს, გაეროს გენერალურმა ასამბლეამ საქართველოსა და სხვა 63 ქვეყნის მიერ ინიციირებული რეზოლუცია მიიღო, "აფხაზეთიდან, საქართველო და ცხინვალის რეგიონიდან/სამხრეთი ოსეთი, საქართველოს იძულებით გადაადგილებულ პირთა და ლტოლვილთა სტატუსის შესახებ".

  • რეზოლუციას მხარდაჭერა არ გამოუცხადა საქართველოს სტრატეგიულმა პარტნიორმა, ჩინეთმა — მან კენჭისყრაში მონაწილეობა არ მიიღო, ისევე, როგორც ირანმა.

გაიგე მეტი: გაეროში, საქართველოს რეზოლუციას დევნილებზე, წელს პირველად დაუჭირა მხარი სომხეთმა — მხარდამჭერებს შორის არ იყო ჩინეთი