მოკლედ: საქართველოს პრემიერ-მინისტრის, ირაკლი კობახიძის თქმით, განსაკუთრებულ დავალებათა დეპარტამენტის დირექტორის, ზვიად ხარაზიშვილის განცხადება, რომ აქციაზე "არაკაცებს სცემდა და აქვს სია", ირონიული განცხადებაა და არა აღიარება.

  • ამის შესახებ კობახიძემ განაცხადა დღეს, 30 მაისს, ჟურნალისტებთან კომენტარში.

დეტალები: კობახიძის თქმით, რუსული კანონის საპროტესტო აქციებზე, შინაგან საქმეთა სამინისტრო, ევროპულზე და ამერიკულზე მაღალი სტანდარტით მოქმედებდა, "ამ კონკრეტული ინციდენტების გამოკლებით".

მსგავსი: "შემაშფოთებელია იმ ძალადობრივი ქმედებების ხილვა, რასაც სამართალდამცავები იყენებენ" — იოსელიანი ქაცარავას ცემის ფაქტს ეხმიანება

კონტექსტი: 28 მაისს, პარლამენტთან, რუსული კანონის საპროტესტო აქციაზე, იმყოფებოდა სპეცრაზმის უფროსი ზვიად ხარაზიშვილი (ხარება).

  • ჟურნალისტების კითხვაზე, აპირებდა თუ არა სპეცრაზმი ახალგაზრდების ცემას, ხარაზიშვილმა თქვა, რომ "ის არ სცემს ახალგაზრდებს, არამედ სცემს არაკაცებს და აქვს სია".

საია: ხარაზიშვილი ავრცელებს ძალადობრივი პრაქტიკების მუქარას, რასაც ძალადობის წამახალისებელი ეფექტი აქვს

  • 28 მაისს, საპატრულო პოლიციის დეპარტამენტის უფროსი, ვაჟა სირაძე ზვიად ხარაზიშვილის განცხადებას გამოეხმაურა და თქვა, რომ "სია არ არსებობს".

გაიგე მეტი: "სია არ არსებობს" — ვაჟა სირაძე ხარაზიშვილის განცხადებაზე

  • ასევე, ხარაზიშვილმა თქვა, რომ ერთიანი ნაციონალური მოძრაობის ლიდერის, ლევან ხაბეიშვილს, რომელიც 1-ელ მაისს სცემეს, უარესი ელის: "ყველა სცემს თავის თავს... ხაბეიშვილს უარესი... [ელის]".

ამ თემაზე: "ეს ჭინკა ვის დაემუქრება ნაკლებად საინტერესოა, ეს არ არის სასაცილო, ეს ეხებათ ჩვენს შვილებს" — ხაბეიშვილი ხარაზიშვილის მუქარაზე