სალომე ზურაბიშვილი

28 May. 2024, 21:34

მე ამ საღამოს თქვენთან ერთად ვარ.

84 შულავერელი, თუ 84 ორჯონიკიძე, ვერაფერს შეუცვლის ამ ქვეყნის მომავალს! ეს მომავალი ჩვენია და მე ახლა გეტყვით, რა არის ჩვენი გასაკეთებელი: ამათ ხომ დააჭირეს ღილაკს თითი და თავიანთი სახელები ისტორიის ერთ გვერდზე ჩაწერეს?

ჩვენ ახლა ყველაფერი უნდა გავაკეთოთ იმისთვის, რომ მოვემზადოთ 26 ოქტომბრისთვის, რომელიც იქნება ჩვენი პასუხი დღევანდელ დღეზე.

გაბრაზებულები ხართ დღეს, ხომ? გაბრაზდით, მაგრამ დავიწყოთ საქმე. საქმე არის ის, რომ უნდა მოვამზადოთ, პირველ რიგში, ნამდვილი რეფერენდუმი. ანუ, ეს ენერგია, რაც დღეს თქვენშია, უნდა მოხმარდეს იმას, რომ ხელმოწერები მოაგროვოთ და მოიტანოთ ჩემთან და მე მოვაწერ ხელს რეფერენდუმს.

გვინდა ევროპული მომავალი, თუ გვინდა რუსული მომავალი, 84 კაცი ამას ვერ გადაწყვეტს. ჩვენ გადავწყვეტთ, ყველანი ერთად. 84 კაცი არავინ არ არის, იმასთან შედარებით, თუ დღეს ვინც ხართ აქ [საპროტესტო აქციაზე], ახალი საქართველო, მომავლის საქართველო.

მეორე მთავარი საქმე — თქვენ, ვინც აქ ხართ ახალგაზრდები, როცა მოაგვარებთ ხელმოწერების შეგროვებას და მოიტანთ ჩემთან, თქვენი მთავარი მოვალეობა იქნება, რომ დაიცვათ არჩევნები ყველგან, სადაც საჭირო იქნება თქვენი მობილიზაცია, თქვენი ნახევარი მილიონი ხმა და ჩვენი დიასპორის კიდევ ნახევარი მილიონი ხმა, როგორც მინიმუმ, არის ის, რაც გადაწყვეტს არჩევნებს 26 ოქტომბერს და მე, ამ დროს, იმას მივხედავ, რომ ჩვენი პარტნიორები და ჩვენი მეგობრები (რადგან ზოგმა ვერ გაიგო, ვინ არის მეგობარი და ვინ საუკუნოვანი მტერი), ჩვენს გვერდით იქნებიან.


შეიძლება ორჯონიკიძეები დაასანქცირონ, მაგრამ არ ასანქცირებენ ქვეყანას, იმიტომ რომ ქვეყანამ დღეს გამოაჩინა, ვინ არის, რა არის, სად არის და ეს არის ჩვენი მომავალი.

26 ოქტომბერი ყველამ ერთად უნდა მოვამზადოთ.

მე ვარ თქვენ გვერდით, მე ვარ თქვენ და თქვენ ხართ მე.


კომენტარები

კვირის ტოპ-5

  1. ირაკლი ღარიბაშვილის ოჯახი, ტელეკომპანია პირველს, ცილისწამების გამო, სასამართლოში უჩივის
  2. "გამოვლენილია სახელმწიფოს ძალიან ბევრი ჯაშუში, მაგრამ მთავარი ჯაშუშების დაკავება არ არის" — სუს-ის უფროსის მოადგილე
  3. ქვიზი: როგორი მგზავრი ხარ?
  4. ქვიზი: ხარ თუ არა მზად არჩევნებისთვის?
  5. იოანე ზოსიმეს ხელნაწერი აუქციონზე ბიძინა ივანიშვილმა შეიძინა — ხელნაწერი ეროვნულ მუზეუმს გადაეცემა

გირჩევთ

ახლა კითხულობენ

გადახედვა

ჯუანშერ ბურჭულაძე ადასტურებს, რომ პრეზიდენტი ნატოში ელჩად მის დანიშვნას ხელს არ აწერს

მოკლედ: მთავარი არხის ინფორმაციით, საქართველოს პრეზიდენტი სალომე ზურაბიშვილი, თავდაცვის ყოფილი მინისტრის, ჯუანშერ…