ევროპის ბიბლიოთეკებიდან ძვირადღირებული წიგნების ქურდობასთან დაკავშირებით, პროკურატურამ კიდევ ერთი პირი დააკავა
![](http://rachel.on.ge/2024/05/22/Library_664d95d414ef7.jpg)
ფოტო: bsr.ac.uk
0
წაკითხვა
0
კომენტარი
0
გაზიარება
რა ხდება: საქართველოს პროკურატურამ, ევროჯასტის მხარდაჭერით შექმნილი საერთაშორისო საგამოძიებო ჯგუფის ჩართულობით, ევროკავშირის ქვეყნების ბიბლიოთეკებიდან ძვირადღირებული წიგნების ქურდობის ფაქტებთან დაკავშირებით კიდევ ერთი პირი დააკავა.
დეტალები: საქმეზე ჩატარებული გამოძიებით დადგენილია, რომ
- 2022 წლის დასაწყისიდან საქართველოს მოქალაქეებმა შექმნეს ორგანიზებული დანაშაულებრივი ჯგუფი და განიზრახეს, ევროპის მასშტაბით მოეპარათ მე-19 საუკუნის სხვადასხვა ავტორის ძვირადღირებული წიგნები, რომელსაც შემდეგ გაყიდდნენ.
- ამისათვის, ორგანიზებული ჯგუფის წევრები იყენებდნენ ყალბ პირადობის დამადასტურებელ მოწმობებს, გამოგონილ სახელებს, გვარებს და ორიგინალის ჩასანაცვლებლად წინასწარ გამზადებულ, წიგნების ყალბ ნიმუშებს.
- დანაშაულებრივი გეგმის თანახმად, ორგანიზებული ჯგუფის წევრებს საფრანგეთის, გერმანიის, ლატვიის, ლიეტუვის, ესტონეთის, შვეიცარიის, პოლონეთის და ჩეხეთის ეროვნულ და საუნივერსიტეტო ბიბლიოთეკებში წასაკითხად უნდა აეღოთ მე-19 საუკუნის კლასიკოსი მწერლების წიგნები, შემდეგ კი უკან მაღალი ხარისხის ასლებს დააბრუნებდნენ, ორიგინალს კი თვითონ დაიტოვებდნენ.
- ამ გზით, ორგანიზებული ჯგუფის წევრები 2022-2023 წლებში, ევროპის სხვადასხვა ქალაქების ბიბლიოთეკებიდან ასეულობით ათასი ევროს ღირებულების წიგნებს ფარულად დაეუფლნენ.
დაკავებულს წარედგინა მუხლი, რომელიც ითვალისწინებს ქურდობას, ჩადენილს ორგანიზებული ჯგუფის მიერ და დიდი ოდენობით.
მას 6-დან 10 წლამდე პატიმრობა ელის.
ამავე საქმეზე სისხლისსამართლებრივი დევნა უკვე დაწყებულია ორგანიზებული დანაშაულებრივი ჯგუფის სხვა ოთხი წევრის მიმართ.
-
-
გადახედვა
-
გადახედვა
-
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
-
-
კომენტარები