მოკლედ: ერთიანი ნაციონალური მოძრაობა ბოიკოტს აცხადებს, როგორც საპარლამენტო საქმიანობაში, ისე ყველა მუნიციპალიტეტის საკრებულოში.

  • "არა რუსულ კანონს!", — წერია განცხადებაში.

დეტალები: რუსული კანონის საბოლოოდ მიღების შემდეგ, ენმ-სთან ერთად, ბოიკოტის რეჟიმში გადავიდა პარტია ლელო.

  • ანა ნაცვლიშვილი — ლელოს დეპუტატი: "ჩვენი გზა არის და იყო ქართველი ხალხის გვერდით დგომა. ჩვენ სწორედ ამ ერთობის ნაწილი ვართ. ამ ერთობის ინტერესებს ვიცავდით პარლამენტში მანამ სანამ ეს ლოგიკურ ჩარჩოებში ჯდებოდა და შესაძლებელი იყო. დღევანდელი ძალადობისა და ღალატის აქტის — რუსული კანონის მიღების შემდეგ ჩვენ ვფიქრობთ რომ პარლამენტში მუშაობის რესურსი აღარ არსებობს და ბოიკოტი არის ის ერთადერთი ლეგიტიმური გზა, რომლითაც რეჟიმს უნდა დავუპირისპირდეთ".
  • გახარიას გუნდის წევრებმა განაცხადეს, რომ საპარლამენტო ბოიკოტს არ უერთდებიან: " გამოვიყენებთ ყველა ტრიბუნას", — განაცხადეს მათ.

კონტექსტი: დღეს, 14 მაისს, საპარლამენტო უმრავლესობამ დღეს რუსული კანონი მესამე, საბოლოო მოსმენით მიიღო.

  • კანონს მხარი დაუჭირა 84-მა დეპუტატმა, მოწინააღმდეგე იყო 30.