მოკლედ: ქუთაისის საერთაშორისო უნივერსიტეტის (KIU) სტუდენტები რუსული კანონის წინააღმდეგ, სტუდენტურ გაფიცვას უერთდებიან.

• ქუთაისის საერთაშორისო უნივერსიტეტი დაფუძნებულია ქართული ოცნების საპატიო თავმჯდომარის, ბიძინა ივანიშვილის მიერ.

დეტალები: KIU-ს სტუდენტებმა განაცხადეს, რომ აუდიტორიებს ტოვებენ იქამდე, სანამ ხელისუფლება რუსულ არ გაიწვევს.

• განცხადება: "გვინდა გამოვეხმაუროთ მიმდინარე მოვლენებს და კიდევ ერთხელ მკაფიოდ დავაფიქსიროთ, რომ KIU-ს სტუდენტები დგანან იქ, სადაც დგას თავისუფალი საქართველო.

• შესაბამისად, ჩვენ ვუერთდებით ქვეყანაში არსებულ საერთო სტუდენტურ პროტესტს და ვტოვებთ აუდიტორიებს იქამდე, სანამ ხელისუფლება ე.წ. "გამჭვირვალობის კანონს" უკან არ გაიწვევს. დიდება საქართველოს!".

30 აპრილს, რუსული კანონის მეორე მოსმენის დღეს, KIU-ს სტუდენტების ნაწილმა განაცხადა, რომ გააპროტესტებდნენ რუსულ კანონს და მსვლელობას მოაწყობდნენ.

• "ჩვენ, როგორც სტუდენტებს, მინიმალური, რისი გაკეთებაც შეგვიძლია, ჩვენი მხარდაჭერის ჩვენება და გამოცხადებაა იმ ადამიანებისთვის, ვინც ჩვენთვისაც იბრძვიან", — თქვეს სტუდენტებმა.

მსგავსი: ბიძინა ივანიშვილის მიერ დაფუძნებული უნივერსიტეტის სტუდენტები რუსული კანონის წინააღმდეგ მარშს გამართავენ

კონტექსტი: 11 მაისს, თბილისის სახელმწიფო უნივერსიტეტის სტუდენტების ნაწილმა უარი განაცხადა ლექციებზე დასწრებაზე, ვიდრე საქართველოს ხელისუფლება რუსულ კანონს უკან არ გაიწვევს.

• თსუ-ს სტუდენტებმა გაფიცვისკენ მოუწოდეს სხვა უნივერსიტეტის სტუდენტებს და ლექტორებს.
• მოწოდების შემდეგ, გაფიცვას შეუერთდნენ 20-ზე მეტი უნივერსიტეტის სტუდენტები და ასეულობით ლექტორი.

გაიგე მეტი: თსუ-ს 160-ზე მეტი პროფესორ-მასწავლებელი სტუდენტების გაფიცვას უერთდება

13 მაისის მონაცემებით, რუსული კანონის საწინააღმდეგოდ, საქართველოს 28 უნივერსიტეტის სტუდენტები არიან გაფიცულები. ესენია:

• ილიას სახელმწიფო უნივერსიტეტი;
• თბილისის სახელმწიფო უნივერსიტეტი;
• თბილისის სახელმწიფო სამედიცინო უნივერსიტეტი;
• ბათუმის შოთა რუსთაველის სახელმწიფო უნივერსიტეტი;
• საქართველოს შოთა რუსთაველის თეატრისა და კინოს სახელმწიფო უნივერსიტეტი;
• თბილისის სამხატვრო აკადემია;
• GIPA — საქართველოს საზოგადოებრივ საქმეთა ინსტიტუტი;
• საქართველოს უნივერსიტეტი;
• კავკასიის უნივერსიტეტი;
• GAU — ქართულ ამერიკული უნივერსიტეტი;
• ბიზნესის და ტექნოლოგიების უნივერსიტეტი;
• სეუ — საქართველოს ეროვნული უნივერსიტეტი;
• თავისუფალი და აგრარული უნივერსიტეტები;
• ალტე უნივერსიტეტი;
• სულხან-საბა ორბელიანის უნივერსიტეტი;
• გრიგოლ რობაქიძის სახელობის უნივერსიტეტი;
• საავიაციო უნივერსიტეტი;
• შავი ზღვის საერთაშორისო უნივერსიტეტი — IBSU;
• ევროპის უნივერსიტეტი;
• კავკასიის საერთაშორისო უნივერსიტეტი — CIU
• სამცხე ჯავახეთის-სახელმწიფო უნივერსიტეტი;
• სოხუმის სახელმწიფო უნივერსიტეტი;
• საქართველოს ტექნიკური უნივერსიტეტი
• უნივერსიტეტი ალტერბრიჯი;
• საქართველოს საერთაშორისო უნივერსიტეტი;
• ქუთაისის საერთაშორისო უნივერსიტეტი;
• აღმოსავლეთ ევროპის უნივერსიტეტი;
• ქუთაისის აკაკი წერეთლის სახელმწიფო უნივერსიტეტი.