NDI-ის კვლევით, გამოკითხულთა 23 პროცენტი ეთანხმება, რომ საქართველო უნდა გაწევრიანდეს ევრაზიულ კავშირში, რომელიც დაარსებულია რუსეთის ფედერაციის, ბელორუსის და ყაზახეთის მიერ. გამოკითხულთა უმრავლესობა - 62 პროცენტი მიიჩნევს, რომ საქართველო უნდა გაწევრიანდეს ევროკავშირში.

კვლევა დიდი ბრიტანეთის მთავრობის, UK aid-ის ფინანსური ხელშეწყობით ჩატარდა, გამოკითხვას კი CRRC-საქართველო ატარებდა. კვლევის საველე სამუშაოები 18 ივნისი-9 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით) შესრულდა. 2 261 პირი პირისპირ ინტერვიუს სახით, წარმომადგენლობითი შერჩევით გამოიკითხა.